OBCs telemsa asadangtsü atema Commission ka tentettsü: Arun Jaitley

New Delhi, August 23 (Agencies): Bodhbarnü Union Finance Minister, Arun Jaitley-i, Other Backward Classes (OBCs) telemsa balala asadanga reprangshitsü atema Commission ka tentettsü, ta metetdaktsü.
Paisa, tang tashi Commission mendenbuba meshim, ta metetdaktsü.
“Kodang Commission ji tentetdir, parnoki hopta 12 tsüngda report ji agütsütsü,” ta Union minister-isa metetdaktsü.
Union Minister-i, senpak 2,000 notes tasenba demonetise asütsü sorkar sentong mali, ta metetdaktsü.
Jaitley-i, senpak 2000 notes magila akumtsü atema sorkari mejembir, saka senpak 200 notes tasen menünga adoktsü atema Reserve Bank-i lemtettsü, ta ashi.
RBI-i senpak 200 notes adoktsü atema sorkari agizükogo, aser ibaji denomination tila agi anüngba tebilemtsü pungbatsü atema lir.
New Delhi nung osangbenertem den jembidang “Sen notes tasen menüngtsü maparen ajakji RBI-i inyaktsü. Anungji sen notes tasen menüngba maparenji RBI dang sangdongtsü tim,” ta metetdaktsü.