Oceania Olympic qualifier nunger New Zealand team agienogo

Wellington, July 12 (Agencies): Semi-final nung New Zealand-i temsüa maliba asayar ka asayadaktsüba ajanga Oceania Olympic nung asayatsü atema qualify asütsü asayatepba tatembangbuba asayatsü ghonda ishika lia New Zealand football team iba asaya nungi agienogo.
Vanuatu-i anema noktakba sülen, South Africa nung asosang Deklan Wynne ji iba asaya nung asayatsü temsüa mali, ta Oceania Football Confederation-i Honibar nü metetdaktsü, ta Deobar nü Xinhua osang ajanga metetdaktsü.
Anungji Vanuata team final-i tudaktsü aser parnok Fiji den asayatsü.
Iba asaya nung takok angurji sangküm ‘Oceania Confederation’ tenüng nung Rio de Janiero Olympics nung asayatsü.
Australia ‘Asian Confederation’ den adentsü meji ‘Oceania confederation’ toktsüba sülen 2008 aser 2012 nung New Zealand-i Oceania confederation tenüng nung Rio de Janiero Olympics nung asaya liasü.