“Ochi”

– Mrs. Meyisongla
Rtd, Deputy Director Nursing, Kohima: Nagaland.

Ochi ya kechi ?
Ochi ta süra ‘SHIDAK ‘ teazü maden. eg Ochi o, Ochi mapa, Ochi o bendang. eg tatalokba ka indang koma atalok shidak ashiba, eg Car ana tsüktep A o B na, shidakbaji ‘A’ jagi wrong sideleni aru, saka teazü nong ‘B’ ji ang aitsüa tai kümtsü. Iba dangji ochi o ta majar. Tiazü ochimashi. Süra Ochiji koma ?
Ochiji tesepra kechiyong ochijagi teazü jembetsü makok, ochiji tasü tait, pai kecha metsübur, asüyonga lenjang nong asütsü, tsübua mali (Truth).
Asür X- Minister Talinamo Longkhim asü pila sentep nong, asür Wabong Tajenyubai pa o tenzükdang pai yamai ashi. Ochiji tesepra ochishir pukümer mali. Ochi dang ochi ta jatetba tembar tajong aser Naga senso tajong ka süogo. Kanga sasahseter ta pai ashiba ni kodanga mamar. Ochiji nok techira dang taoba, yagi meimchirtem shirnok ochi mashir lir, parnok aika yirutsür. Miim mapa, miim rongsen, miim jaklaliro ajak aser ochi mashi libaliro ajak kakteta temai jongkai adoktsür, aser maksüdaktsür.

Ochi ya kong alir ?
Ochi ya meimchirtem ajak molungjang aser shihazü ajak nong alir. Saka kar dak alaka ochi-ji azüngkenshi amzüh nong aliper teshinem menuma ayuba ama temolungjang telong nong ayur aser aji sala mamshir. Tsüngrem sempet tulutiba aser tajongtiba mezüngmeshia amshibaji ‘OCHI’ ya lir. ochi agi teazü küma melener jembetsü ya kanga temilabo masü. Teazü poratsü atema sangwa amoi junga moi belemdanger, chiyongtsüa junga mechiyonger, shisa buluba agi pelaa malir. Kechiyong ibai tenükmerem mapa jungkai adoka inyaktsüba shisatsüji lir. Nület tanga tesashiba lir.

Ochi ya kong nongi ?
Ochiji Yisu “Tsüngrem” nongi yohan 14:6 Yisui Tomma dang ashi. NI LEMANGJI LIR ASER OCHI ASER TAKÜMJI NI LIR ta ashiba angur. (“I AM THE WAY AND THE TRUTH AND THE LIFE”) 27- Ni nenok nem kü tesünep doktsür. ” PEACE I LEAVE WITH YOU; MY PEACE I GIVE TO YOU”. Yisu khrista nütsüng Tommai yisu dang ashi, Kibuba na koleni aotsü onoki memetet, ajangla onoki kodasür lemangji metettsü? Tommai yisu tesah nong pa tekabu mamuoktsüra yisu shia aruogo ta mamangtsü. Yohan 20:25 Aser Iskariot-i yisuji tatsük 30 yong yoka achi. ‘Nagaland for christ’ 100 nong 100 (noklang) yisu dak amangertem asenoka yisu nütsüng lir. süra asenoki ochi ‘O’ji shidak jembidar ma! Yisu mesüka shidak lerma! “AYATAI” Pearl bo tzüyim telong oyster nongiang kanga saka bushir angür, Hon, taribe, Diamon, salfaira, sentilongbo ali telong nong lung temerang tsüngboka bushirang angur. Saka ochi-bo asenok dak lir, arungkuto ochi shia lidi.
Asenok dak ‘Ochi’ koba yisui talobosa agüja ali aji asenoki jembira, benshira aser amshira asen lima Kodak li mesüka alitsü. Tripura state ama develop sür lila aser asenok ajak pelaa lila. Kodak lemangji tatsüba kümla. Tenla ki sünga senteper sayutsüngeri sayutsüngiba anga amenertem Tsüngrem oi kechi ashir aji angatetsü melen, sayutsünger jembiba nong tai pua amener aser minute kwi akia jembi mapang tamshi mashi ta nemnema mener sentep kemai pakzüka aludangbo tejak ashir senshiba agi arogo mainer. Tsüngrem o jembertemia lai nong kechi shia ali, iba shidakji angateta zünger tanüla nong sayutsüngyitsüla, pei angatetlen aser junga belemba dang mejembi. Jubilee tetenzü temenen tai toktepba tepela benjong lir. sensaker ajongketba mapang. Saka , SAKAH jubilee nongang tai temenen bendenloka inyaktetra asenoki yisui agutsüba ochi-ji mezüngmeshir aser atakatem jaoker asütsü. Süra asenok yisu anemertem lir. tema tazütsü khristantemji asenok lir. Nagaland Govenor ya Hindu nonger lir. pai ashiba Nagaland ya Christian lima or Nagaland For Christ ta asüba nong ni tammang maker ta ashibaji ochi maliba lima ta ashir. Asenoki yisu kangki-ji laodaktsüogo ‘ AYATAI ‘ ochi nem asenok anidaktsüdi. Asenoki ochiji manishili. Kechiyong ochi-ji kanga tashi tait, pai kecha tsübua mali. Kecha tashih agia ochi-ji metepsetted. Pa teti alir arishi talang.

Otsüla Oboula nonger koma liasü ?
Aor mashie ka dang Nütsü o Nübo nonger koma liasü ta asüngdang nong kütsü kübou nongerji ochishir, tasü tait, arrleper aser teindang nisong liasü ta langzütsü südi. Kechiyong zülu maka, tepang o dangji shingaia ochiji memetet aser ochi otsüji asenokdang mashir eg Oboulaji nükdapangta nisong aser ashikülaker nisong ka liasü, saka pai kodanga, nibo nüktapangta nisong or ashikülaker ta mashitsü, anungji otsü agibo asenok ajak ochishir chir aser semchirtem lir. Saka süngdongji süngjang agi sayutsü. Shidakba asenok ajak ochishir chirtem aser semchirtem süra, tanü asen putu nong alirtem ajak ya parnok chirtem aser semchirtem lir, shidakba agibo asenokji ochishir aser tiendang nisongtem dang asütsüla. Saka asenoki reprangdangra asenok rongnong ochi mali, tasü taiter mali, tanak dang tanak ta meshiteter, ochi mashi sen dak tenuk rangloker alir. Nuktapangtar onsara, kibongjong aikabo mali. Balaa onlar onsara. Shidakba asenok ochishir chirtem aser semchirtem sura parnok mesuka asenoka litettsüla. Mesura otsüla oboula nortemji ochi mashir, tasü maiter aser külak kübongertem liasü suti, ka mesüra kabo asenoki hau ta shitetsüla. Yimküm ‘ otsü’ nonga tama mesüra tesü akümer teinyaktsüji kechisa asütsüla?? Indian / world History nong tatalokba shidakji zülur züngdaktsür. Saka asen otsüren nongbo tamajongbo kenyongi mezülutsü aser mesüshitsü, kari danga item oji süshira ak achitsü, saka shidakba otsüji magutsür. Idaki kechi otsü angatettsü, shir tama shir tesü, shir tem nong aru, ochibaji Tsüngremi dang meteta lir kechiaser ochiji Tsüngrem. Pai dang ajak meteta lir. Tama aru süra kechi ajangzük, tesü arur süra kechi agi madoksa?? Tsüngrem tsüngdang tama tesü kecha balaka mali ajak küsa. Tamajong inyaker akoksa.

NI OCHIJI NGÜOGO
January ka (1), 2018, taküm, Angami nonger ka, Phom tsür ka, Moaba, ozü tanür ka aser ni ta ozü pongu meta kar repranga senzü. Naga nonger kaket zülur kari zülua aliba Naga nonger kar Burma lima ajanga Naga tenemi atu- talisa Chakisang lima len tepteta, Khezakhenoma nong ken ali. Yangji longpakma tuluka liasü. Yangji, tsüksa apu. Iba longpakma ya Magic stone/ aren long liasü. Anepdang tsük molük ka pora alokdangbo molük ana kümersa ali. Iba long nong adianü ana tera mangatettep adoka rarateper yangji mi apu, tatsükjagi longji ana asem küma jaksa, aser arenjia samaa adok (magic) Iba longji Khezakhenoma yimdeni long agi atsüpanga yua lir. parnoki iba dard nonger otsü indangji signboard nong zülua youa lir. Iba nong jaki Khezakhenoma yim o Bomai nonger Manipur na arrtsülen jaka kangasa tajong tuluka aser awatsüng tajong ka ta lir. Iba jaka tasüng carsa car nong kibong kibong aser medemer teloktelok sorochika bener arua chiyonga aser asayatepa kazüteper. Ibajaka Khezakhenoma aser Bomai nonger raktepa aibensa raratep. Anungji Nagaland Governmenti Poilce post ka lapok. ( Chita post ta ajar ). Iba sülenbo meraratepi süngjema lir. yang nongjagi Pfutsüro yim reprangi tur talui jaka kanga temerak tajong ka nong onoki sorochiker abenba chi chiyongtsü anen. Ibai 4:30 to 5 pm meta liasü, tera asüker saka mi apotsü mitsüktsü mali. Iba ya yimer panchayati Aonsotsü ayoktem atema sütsüba semto ka liasü. Aonsotsü ayutsüji cement agi ajongketa kanga junga yangluja lir. yangji aonsotsü ayokertemi jakaji küsasa limsar yangji senpong kaka yuja lir. senpongji tala agi ashitsüa yanglua lir. saka shingaia talaji menok, aonsotsü tapu palala, eg Repu, nüpangkong, kolar, azüngken, mersü takong, lozü, Rice beer, (mejemtsü) aser onsürep etc. ajakji Rs20/- jenjang. Saka yangji nisong shinga mali asü. Ni senpongji lapoka reprangdang sen 20/- aser 10 notes ayiyih liasü. Kanga süngmang onokia pei aginütsü shima alir chiyonga alidang aturatsür parnok 4-5 ka aetya-a angu. Hai sen kiburtemji arur südi na ta jembeteba alidang shidak parnokji tonga arur. Pei indang aonsotsü taleptemji züngdang aser senpongji lapoker senjia züngdang. Onoki asüngdang, kechiba nenok shishia mamener ta asüngdang. Onok aluyimerji alu inyaki aor, aser ano ki mapa matemerji anepdang osetji bener aita doktsür, taginürtemi senji enoka doktsür aonsotsüji bener aor. senji mesamar na? Hau shingaia senji maoyar. Shidak dang alir. Onok teti yamai dang shishir. Aier asangurtemia senji magir no? Hau. Kodanga magir. Meimchirtem ajaki ochi indang jember saka, kü taküm nong ochiji kü nük agi mongudang liasü. Saka kechi tesüngmangtsü kü nük agi “Ochi O” ochi mapa aser ochi nisongtemji January 1, 5:30 nong asangsang nong nguogo. Ya ochi ‘O’ lir, nenoki amanger asü mamanger? Nagaland nong ochishir kin aser nisong lirko no. parnok dang nenok kechi yimsü amanger ta asüngdang nong, onok ajak Baptish yimsü amanger ta ashi. Asenoki onok (AOR) ochi shir kin ta mashi ang tajongba süla ta nibo belemer, asenoki ochi shia mejembetet tashi aser mapa agi inyaka mesayutet tashi. Tsüngremi par Chakisang nonger Ochishir kin tali moajangma.

. Ochibaji aliang aser aji teyok.
. Kodang sen-i jembeder “ochi-i” ola madoker.
. Ochi- shirji tiendang, ajemalur aser temolungjang temerak purtem lir.