Ochi jagi na nüji kümdaktsütsü

“Aser nai ochiji metettsü, aser ochi jagi na nüji kümdaktsütsü.” Yohan 8:32.

Tsüngremer ochibai kodanga na menokdanger; iba yagi na teti nüji kümdaktsür! Na tasü meiti lir asü? Temenen kar madak takok mengui lir asü? Lendong aketba chiyong kar lar küma lir asü? Tsüngrem indang ochibai na nüji kümdaktsütsü ta mangateti alitsü akok.

Ne jakdang tayongzükba den ajuruteptsü na tasü meiti lira, Filipi 4:13 nungi tasü aittsü angazükang: “Khrista shibai ni tasü itdaktsür Pa ajanga ni ajak inyaktsü akok.” Tensa ajanga nai tamakok ngua lira, Rom 8:28  nung shia aliba nung azüitang. “Tsüngrem meimertem asoshi mapa ajak tajung asoshi inyaker.” Na temenen kar lar küma lira 1 Yohan 1:9 ochiji ne taküm agi inyakang, koba nung nai temenen nangzükra, memeshiba ajak nungi na merüktetdaktsütsü Tsüngrem tamang katetta lir. Item ajak ne taküm nung Tanela Temeshi-i inyaktsü ataa lir.

Ne taküm nung Tsüngrem ochibai mapa inyakba metettsübaji ano mapa ka lir. Tsüngremer ochibaji nai magizükra aser mamangra ochi jagi ne taküm nung mapa meinyaktsü. Tangar taküm nung mapa meinyaktsü. Tangar taküm nung Tsüngrem aini mapa inyakba nai angashia alitsü akok. Saka item ochibaji ne taküm nung inyaktsü nai Tsüngrem dang melaa lir ma? Tanü nü taküm nung ochi inyaktsü Pa dang asüngdangang.