Ochi jagi nüji kümdaktsür

– Imnaonen Longkumer
Ungma

1. Dawid-i Soul chuba sübotsü agitsü mejangra
2. Mosai Farao jalar chir akümtsü magizük
3. Daniel-i chuba chiyongtsü achitsü memelong
Ajak asoshi mapang ka:- Sayutsünger :3
Kechisarina asoshi tsüngküm ka lir.
Aser anüng kübok mapa ajak asoshi pei mapang tataktet lir.
Tasotsü mapang ka
Tasütsü mapang ka
Tepsettsü mapang ka
Taneptsü mapang ka
Sempatsü mapang ka
Meimtsü mapang ka
Rara mapang ka
Aser yimjung mapang ka

Dawid-er temerangertem
Kibuba O ama, Dawid nem Saul yimli agütsütsü asoshi Hebron nung Dawid dangi arurtem, raratsü asoshi renema alir tongti purtemji ya lir. Yihuda chirtem jong aser nü abener meyi trok ser noklang ti, raratsü terenem liasü. Simon chirtem nungi tashi tulu nisung tashi taiter, raratsü asoshi meyi tenet aser noklang ka. Levi chirtem meyi pezü ser noklang trok aser Aron kidong nungi Yehudaji tanishir liasü aser pa den meyi asem ser noklang tenet liasü. Zadok, asangur ka tasü tait tashi tulu aser par kinunger nungi arkotong metsür ana. Benjamin nunger Saul sosem, meyi asem, shirnok rongnung timbai tang tashi Saul kidong nung dena aru. Efraim nunger meyi metsü noklang ti, tashi tulu tashi tait nisungtem, par kinunger rongnung nüngtugu nisungtem. Manase tesadang kin nungi meyi ter, shirnok arua Dawid chuba kumdaktsütsü tenüngteta liasü. Isaker nisungtem, shirnoki mapang indang tangatet aser Israeli kechi inyaktsütem aji metet, par tongtipur noklang ana aser par sosem ajak parnok ozüng kübok. Zebulun nungi takutet sarir telok meyi tenem, Dawid yaritsü asoshi nükjidong ka agi, tongbang asoshi rara nok o nü, tabensa terenem. Naftali nungi arkotong meyi ka, parnok den nisung meyi semer tenet, jong aser nü bener. Dan nunger nungi nisung meyi metsür ti ser noklang trok, tongpang asoshi terenem. Asher nungi tongpang asoshi terenem takutet sarir telok meyi lir. Reuben, Gad, aser Yordan atena oa aliba Manasa kidong tesadang nungi rara nok o nü tabensa bener nisung meyi noklang ka ser metsü. Item ajak sarirtem tongpang sobutsü tak ta sobur, Israel madak Dawid chuba kümdaktsütsü mulungteter Hebroni aru, yamajisa tanüngba Israel ajak Dawid chuba kümdaktsütsü temulung ka liasü.
Benjamin aser Yihuda nisungtem kar Dawid mitsa jagi aru. Dawid parnok nguli adok aser parnok dang ashi “ Nenok kü den tembar küma ni yaritsü aru süra, kü mulungjang nenok den ka akümtsü saka kü ket nung tamajung meliaka, kü anemertem dang ni ashioktsütsü aru süra, idangjibo asen tsürabur Tsüngremi reprangtsü aser nenok arujang”. Idangji semer madak tongtiba Amasai dangi Tanela aru, aser pai ashi:

Onok ne meyong, Oh Dawid
Aser ne den lir, Oh Yesse chir!
Ne dangji yimjung
Aser pa yarirtem dangi Yimjung!
kechiyong ne Tsüngremi na yarir
idangji Dawidi parnok agizük
Aser pa temeranger lokti
madak parnok tanishir kümdaktsü

Shin O kati ashir,
Taochi jagi ochiji samadaktsü, saka tesülenbo taochi jagi temeim jungkai adokdaktsür. Saka ibaji taochi agi süra ibaji mapa agi masü, ochi mesüra, taochiji joko taochi masü.
Laishiba yamai ashir “ Taochi aser ochiji Yisu Khrista ajanga aru kü adianutem, asenoki Khrista dak amangogo anungji taochi tzü agi asenok chikodi.