Ochi nung temoatsü

“Ochishir kolak manung temoatsütem lir, saka tamashir tebang rasarabong agi sünga lir” – A.Shin 10:6.

Kodang temoatsü ta südir, iba ya aseni meranga inyakba nungi ajangzükba, asen anema aliba arishi, taküm nung tepela, tesünep, aser ochi nung teti litetba aser tamang nung Tsüngrem den jajaba taküm. Asen taküm nung temoatsü ajangshiba ya shisadangdir, ya asen ajungba agi masü saka ya Tsüngrem temeim tashi ajanga lir. “Ne temotsütem züngdangang” ta asenoki ken nung atenba ya Tsüngremi asenok aochiba aser meimba ajanga lir. Temoatsü ya Tsüngrem nungi lir.
Temoatsü ya tashi angaba süngjang ka lir. Ibai Tsüngrem den ochishia aser tsüngchia litetba ajanga ajangzüker. Asen taküm nung temoatsütem kechisa ajangshia aruogo aser koba aseni tanü jangratema tepela nung agidagi, item ajak ya aseni meranga inyakba den Tsüngrem teyari adenba ajanga lir. Tsüngremi asen taküm aser kibong nung kechi temoatsütem agütsüogo, item ajak asoshi Pa nem tenüngsang agütsütsü tim. Anungji, asenoki tali ajemalushir Tsüngrem anasai ora tarutsü asen tia tajungtiba asütsü. Temoatsü ya ochi taküm agi dang ajangzütsü. Adangji, ochi tashi jagi asen taküm anidaktsütsüla.
Sarasadem :
Taochi, Tsüngrem! Nai ajak yanglu aser ajak moatsü. Item ajak asoshi Ne nem onoki tenüngsang agütsür. Amen