Ochimashi ken o ita 6 dak tema mayutsüla: Supreme Court

New Delhi, Metsüremi (March) 28 (Agencies): Tang nungi okadaki ‘speaking order’ ka melii ochimashi mesüra ozüng alema inyakba indang ken o ita trok dak tema mangadangi ayutsü makok ta Supreme Court-i tanü metetdaktsü.
Sorkar ketdangsübaren nung ochimashi indang cancer-i kanga mejungi tongogo aser iba ya tera nungi atsüdoktsüla. Anungji, okadak temi ochimashi aser ozüng alema inyakba ken o tem mapang shitak nung benoka angar oshidang agütsütsüla, ta Supreme Court-i ashi.
Justice Adarsh Kumar Goel, Justice Navin Sinha aser Justice R F Nariman nungertem adenba SC bench kati mapangji latettsü.
Tanü nungi okadak kati speaking order ka melira, ochimashi mesüra ozüng alema inyakba mesüra civil ken o kecha ita trok dak tema mangadangi ayutsü memelar, ta parnoki tetuyubaji agütsü.