Ochimashi nung BJP-i Congress ajangtetogo: Kejriwal

New Delhi, February 09 (Agencies): Brihostibarnü Delhi Chief Minister, Arvind Kejriwal-i, Centre-i benokba demonetisation ya “sen lakh crore 8 ochimashi lir” aser ochimashi nung BJP-i Congress ajangtetogo, ta aitsü.
BJP National Tir, Amit Shah-i sangdong ka ajanga, BJP sorkar küm ana ser tesadang yimsüsüba mapang nung opposition-i ochimashi nung parnok nem ochimashi ken o ka danga metongloktsü, ta jembiba dak sentakba nung AAP tongti, Kejriwal-i iba o jembiogo.
Kejriwal-i twitter ajanga, “Yazü! (Ato kilonser Narendra) Modi-i Sahara aser Birla nungi sübokrem agiogo. Demonetisation ya sen lakh crore 8 jenjang ochimashi lir. Ochimashibaren nung nenoki (BJP) Congress-a ajangtetogo,” ta aitsü.
Aam Aadmi Party (AAP) lenir Kejriwal-i mapangmapang shia, Ato kilonser, Modi Gujarat Chief minister inyakba mapang pai Sahara aser Birla groups ama corporates dang nungi sübokrem agiogo, ta aija arur.
Yaküm November 8 nü Modi-i sen 500 aser 1,000 notes anentsüba sülen Kejriwal-i, iba ya sen lakh crore 8 ochimashi lir, ta aitsü.