Ochimashi yimsüsürtem dang Modi-i kechi ashir: Congress

New Delhi, July 26 (Agencies): Congress nung tezülur Digvijay Singh- Deobar nü Ato Kilonser Narendra Modi dang par cabinet aser BJP lenirtemi ochimashi benshiba ken o nung ola adokang, ta shiogo.
“Nüburtemi Modi sorkar shim ashi Bharatiya Janata Party sorkar shim masü. Ato Kilonser Narendra Modi-i External Affairs Minister Sushma Swaraj atema telangzüba agütsütsüla,” ta New Delhi nung Singh-i osangbener dang ashi.
“Rajasthan Chief Minister, Vasundhara Raje aser Madhya Pradesh Chief Minister, Shivraj Singh Chouhan nati ochi mashi maparen inyakba atema nüburtem nem Modi-i telangzüba agütsütsüla,” ta paisa shisem.
Lalit Modi mangatettep ken o aser Vyapam ochimashi ken o nung ajemdaker Congress-i Raje aser Chouhan na anendaktsütsü nükjidong lir.
Vyapam ochimashi aser Lalit Modi mangatettep ken o ajanga taküm mei mapang Parliament sendena süngjema mementeti liasü. Item ken o ajanga Parliament senden nung aiben ola tulu adoka asatep aser ongdang shia senden thinena liasü.