Ochimashir ketdangsertem nem passport magütsütsü: Sorkar

New Delhi, Metsüremi/March 06 (Agencies): Sorkari department ajak dang Indian passport yangluba mapang nung peipei department kübok inyakertemji Passport Act, 1967 kübok Arrla 6(2) telatetba nung temsüa aliba reprangdangmatsü atema metetdaktsüogo.
Mapa nungi anentsüba sorkar ketdangsertem mesüra ochimashi ken o nung tai tonglokja aliba ketdangsertem nem Indian passport magütsütsü, ta official sangdong ka ajanga metetdaktsü.
Personnel Ministry telatetbatem reprangshiba aser Central Vigilance Commission o Ministry of External Affairs (MEA) den angatettepa jembiba sülen iba sangdong metetdaktsü.
Passport agütsütsü atema sorkar mapa inyakertem kuli reprangtsüla, ta Personnel Ministry-i Central sorkar departments ajak nung secretary tem nem metetdaktsü.
Mapa nungi anenja aliba ketdangsertem mesüra ken o aliba ketdangsertem nem Indian passport atema ‘vigilance clearance’ magütsütsü, ta kasa sangdong nung shia lir.