Ochimashir tem dang taochi mesayutsüla: Supreme Court

New Delhi, September 08 (Agencies): Hombar nü Supreme Court-i, ochimashir tem dang taochi mesayutsü ta ashiba den külemi court tem dang, ochimashir tem nem temerenshi agütsüba mapang taochi mesayutsüla aser tatok magütsütsüla, ta tuyuogo.

Court tem dang ochimashiba ken o tem nung temerenshi tesashi agütsütsüla ta shia Justices Dipak Misra aser Prafulla C Pant nati akümba bench-i, ochimashirtem dang court-i temerenshi tesashi agütsütsüla, talisa tang linük nung ochimashi ya cancer tashitak ama ainba ajanga nübur aser yimsüsürtem menentsüogo, aser iba ama mapang ka nung ochimashirtem nem tatok magütsütsüla, ta ashi.