Oct 17 nü Ayodhya ken o tembangtsü: SC

New Delhi, October 4 (Agencies): Hokolbarnü Supreme Court-i Ayodhya ken o tembangtsüba anogo October 18 nungi October 17 asütsü atema melenshiogo.
Taküm September ita Ramjanmabhoomi-Babri Masjid ken o dak sendaka aliba teloktem dang October 18 tashi nung o toktep tembangtsü atema SC-i tetuyuba agütsü.
Züngsem pungu agi akümba bench ya Chief Justice of India (CJI) Ranjan Gogoi-i anir Justice S A Bobde, Justice D Y Chandrachud, Justice Ashok Bhushan aser Justice S Abdul Nazeer nungertem züngsema lir.
SC-i tetuyuba agüjaka iba tebilemtsü ya koktettsü atema teimla kangabo mangur kechiyong ken o nung tongti telok Ramlalla Virajman-i tiyongtsü nung jembirtem den ojang dang jembitsü ta metetdaktsüogo.
Supreme Court-i telok ajak den tiyongtsü nung jembitsü atema lenmang bushia March 8 nü züngsem 3 agi akümba luden ka tentet.
Iba luden nung retired judge Justice F M Ibrahim Kalifulla, Art of Living founder Sri Sri Ravi Shankar aser senior advocate Sriram Panchu nungertem shima liasü.