Oct 2, 2019 matongdang NE State ajak ODF akümtsü

Agartala, Luchii (December) 2 (Agencies): October 2, 2019 matongdang Northeast State ajak open defection free (ODF) akümtsü ta Union Minister for Housing and Urban Affairs, Hardeep Singh Puri-i ashi.
Agartala nung aliba Prajnja Bhavan nung northeast state 8 nung scheme tongtipang 5 meyipa reprangshiba senden ka nung Hardeep-i iba osang metetdaktsü.
Iba senden nung Tripura Chief Minister Biplab Kumar Deb, Secretary of Ministry of Housing and Urban Affairs Durga Shankar aser NE State ajak nungi teshimtet nübotem aden.
Anogo ananü senden nung urban segment atema PMAY mapa inyakba, Atal Mission for Rejuvenation for Urban Transformation, Smart City Mission, Swatch Bharat Mission (Urban), Northeast Urban Development Program, Deendayal Antodaya Yojana National Urban Livelihood Mission odang onüktem lemsatep.
Senden amenba sülen Union Minister-i northeast state ajak nung flagship scheme tem takok ngua inyakba atema pelaba metetdaktsü.
“NE state tem nung terenlok lir aser scheme tem junga inyakba dang masü saka tesem kar nungbo takok tulu anguba lir. Yashi tashi nung Nagaland-i ODF ta sangdongogo. State 8 nungi pezbo ODF kümogo aser December 31, 2018 tashi nung asemi ODF sangdongtsü. January 2019 tashi nung state kati ODF ta sangdongtsü sentong lir. October 2, 2019 atongtsü ita 8-9 shi lia Northeast State ajak ODF akümtsü” ta Union Minister Puri-i osangbener dang ashi.