Oct 20 nü day I-service mass teachers training agitsü

Dimapur, October 18 (TYO): October 20, 2017 nü Mokokchung jila nung EBRC Mokokchung village kübok yimtsüngtem nung inyaker elementary teachers atema anogo ka I-service mass teachers training on “Learning Outcomes” agitsü aser October 21 nü jila/yimtitem nung inyaker tesayurtem atema training agitsü, ta tanü Area education Officer aser EBRC Mokokchung Village Coordinator, L. Alemtemsu Ao-i sangdong ka ajanga nung metetdaktsü.
Iba dak sendakba nung service nung alir tesayurtem (General/science/Hindi/PET/Part time instructor/carpentry aser Knitting instructors) ajak dang iba training nung adentsü metetdaktsür. Iba training ya New Town Hall Mokokchung nung agitsü. Tesayurtem Registration ji anepdang 9:00 ako nungi tenzüktsü.
DA ji SSA telatetba nung ajemdaker agütsütsü, aser iba tetuyuba nung manidaker tesayurtem dak tapet inyaktsü, ta sangdong nungsa shia lir.