Oct. 23 nü Shiv Kumar nem obendang agütsütsü

October 20, 2015 nü New Delhi nung court kati Uber cab anishir, Shiv Kumar Yadav-i tashiyim amshia tetsür ka taküm raksatsüba ken o nung pa aitsüba sülen police-i pa okadak nungi anir aoba noksa nung angur.

New Delhi, October 20 (Agencies): 2014 küm December 5 aonung Uber cab anishir, Shiv Kumar Yadav-i arishi küm 25 tetsür executive ka tashiyim amshia taküm raksatsüba ken o nung tanü New Delhi nung aliba court kati pa aitsüogo, aser pa anema obendang Oct. 23 nü agütsütsü.

Police-i ashiba agi, Yadav-i Central Delhi, Inderlok tesem nung alila tetsürlaji nisung maliba tesem kati anir aoba sülen tashiyim amshia taküm raksatsü.

Tanü Additional Sessions Judge, Kaveri Baweja-i, tashiyim amshia raksatsüba, temang mejungi yirutsüba, tetsür ka taküm lendongi yokba aser nisung apuba ken otem nung Yadav aitsüogo.

Yaküm iba tatalokba ajanga linük nüburtem kanga aoksatep aser lungkak aita Uber cab service anenja liasü.

December 7, 2014 nü Delhi Police-i pa Uttar Pradesh, Mathura tesem nungi apuba sülen taküm January 13 nü court-i Yadav anema ken o benoka liasü.