Oct 27, 2017 nü RTI indang State Level Workshop alitsü

Dimapur, October 25 (TYO): Nagaland Information Commission (NIC)-i October 27, 2017 nungi Administrative Training Institute, Kohima nung RTI Week, 2017 amungtsü.
RTI indang State Level Workshop ji anepdang 10:00 ako nung agitsü aser Nagaland Information Commission, Secretary, Worhonthung Ezung-i tesentepertem pela agizüktsü, State Information Commissioner, Nagaland Information Commission, Er. Chanbemo Lotha-i okila jembitsü aser Nagaland Chief Secretary, Pankaj Kumar, IAS-ia o tatsüka jembitsü.
Maneni, woekshop tembangba sentongji nikongdang 3:30 ako nung agitsü aser mendenji Nagaland Information Commission Secretary, Worhonthung Ezung asütsü.
Sentong nung nisung anati o tatsütsü jembitsü aser Nagaland Information Commission Under Secretary, Dr. N. Renthungo Jungio-i tepela o jembitsü.
Iba sentong nung shilem agirtem registration ji anepdang 9:30 ako nungi tenzüktsü aser sentongji telemsa pezü agitsü.
Telemsa balala nung o jembirtemji Nagaland Information Commission, Worhonthung Ezung Secretary (A decade of RTI- Review of the past and an outlook for the future), Commissioner and Secretary, Department of IT & C & Power, K.D. Vizo (RTI in an Information Age)Deputy Director (Training), Dr. Hovithal N. Sothu (RTI for Good Governance) aser RTI Activist temia parnoki ajangshia arubatem lemsateptsü.