Oct. 3 nü SC-i SC/ST Act dak sendakba obendang agütsütsü

New Delhi, September 25 (Agencies): Centre sorkari SC/ST (Prevention of Atrocities) Act nung ozüng tesashi kar benokba anema obendang agütsüba reprangshitsü atema Centre sorkari temepishiba ka agüja liasü, aser Supreme Court-i October 3 nü iba dak sendakba obendang agütsütsü.
Justice Arun Mishra-i aniba bench-i, 2018 küm March ita nung Supreme Court obendang sülen Parliament nung agizükba SC/ST (Prevention of Atrocities) Act nung temelenshi kar anema benoka aliba temepishibaji reprangshitsü atema Central sorkari benok, ta metetdaktsü.
Court-i maneni iba ken October 3 nü angadangtsü.
Tan ita tetenzüklen judge anati akümba bench kati Central sorkari SC obendang tanaben reprangshitsü atema mepishiba ken oji judge asemi akümba bench kati angadangtsü atema benoka liasü.
2018 küm March ita nung judge anati akümba bench-i, tim ketdangser dang nungi tama temelaba meshiba sülen ang SC/ST Act kübok aibelener public servant ka aputsü akok, ta tuyu a liasü. SC-i, SC/ST Prevention of Atrocities Act kübok ken o benokli ketdangser ka aputsü makok, ta obendang agütsü. SC-isa, anticipatory bail atema ozüng alitsüla aser tai tonglokja alir ka mapudang tamasa policei bushisüngdangtsüla, ta metetdaktsü.
Centre-i court nem temepishiba agütsüba sülen iba Act nung ozüngtem yanglushia liasü.