Oct. 30 nü Vigilance Awareness Week amongtsü

Kohima, October 27 (TYO): October 30, 2017 nü state nung Vigilance Awareness Week, 2017 amongtsü; Vigilance Commission Conference Hall nung anüngdang 11:00 ako nungi “My Vision- Corruption Free India” omen nung ajemdaker iba sentong akatsü.
Vigilance Commission Secretary, Sehjang Doungel leniba nung iba sentong agitsü, aser Vigilance Commissioner, Nagaland, K.T. Sukhalu-i okila jembiba sülen pai ketdangsüa tenangzükba agidaktsütsü.
Sentong nungsa DIGP, Vigilance & Anti-Corruption Police, Nagaland, K. Shiwoto Wotsa-i tepela o jembitsü aser Director & DIGP, Vigilance & Anti-Corruption Police, I. Meyionen-i 2016-17 küm indang Commission-i inyaktetba osang metetdaktsütsü.
Kasa sentong nungsa state Angh aser Chief Minister nati yokba osang metetdaktsütsü.