Oct 7 tashi Rs 2,000 note melentettsü: RBI

New Delhi, September 30, 2023 (Agencies): Reserve Bank of India (RBI)-i bank nung Rs 2,000 note melentsüba anogo October 7 tashi atsülangogo.

RBI-i September 30, 2023 tashi nung Rs 2,000 notes melenteptsü mapang atakzükja liasü saka ibaji October 7, 2023 tashi atsülangogo.

October 8 nungibo bank nung Rs 2,000 memelentettsü saka RBI indang office 19 nungbo melentettsü. Nübortemi India Post ajanga RBI indang “issue offices” dangi post ajanga sen yoktsü akok.

May 19 tashi nung Rs 2,000 notes ya Rs 3.56 lakh crore tashi amshia liasü aser iba nungi Rs 3.42 lakh crore tashi melenogo. September 29 tashi nung Rs 2,000 notes Rs 0.14 lakh crore shi dang memelen lir, ta RBI-isa metetdaktsüogo.

May 19 tashi nung Rs 2,000 banknotes amshia aliba nungi 96% tashi RBI keti aruogo.