Oct. 9 nungi Mkg nung Intensified Mission Indradhanush tenzüktsü

Dimapur, October 04 (TYO): Mokokchung District nung Intensified Mission Indradhanush (IMI) October 9, 2017 nungi tenzüka teshimtet tesem 40 nung agitsü.
Iba mapatong ya diphtheria, tuberculosis, aketba, tetanus, polio, measles aser hepatitis-B ama menatepba tashidak balala nokdangtsü atema lir, aser iba mapatong ya arishi 0-2 tsüngda tanurtem aser mashisa aliba tetsürtem nung rangloker agitsü.
IMI ya national health programme ka lir, aser October 9 nungi tenzüka hopta ana piyong iba sentong agitsü.
Item teshimtet tesemtemji routine immunization programme agi mayimjemba tesemtem aser sub-centre maliba tesemtem lir.
Iba mapang nung health worker tem teshimtet tesemtem nung mapa lemzüktsütsü aser parnoki BCG, DPT, Pentavalent, TT, IPV, JE, Measles, bOPV aser Hep-B vaccine tem agütsütsü.
Iba dak sendakba nung October 04, 2017 nü Deputy Commissioner, Mokokchung office chamber nung District Task Force Committee senden ka mena iba sentong atema o lemtetogo.
Iba senden nung jembidang District Programme Officer, UID/RCH, Mokokchung, Dr. Yanger-i, IMI ji taruba ita pezü tashi district ajak nung ita shia anogo 8buba nungi tenzüktsü, aser ibaji arishi küm 0-2 tsüngdapur aser mashisa aliba tetsürtem ajak ayimjemtsü atema lir, ta metetdaktsü.
Paisa, October 05, 2017 nüa Medical Officers aser NRHM staff ajak den senden ka amentsü aser iba senden nung IMI programme dak sendakba onüktem jembitsü, ta metetdaktsü.