October 09 nü IT/TCS indang tax awareness sentong akatsü

Kohima, October 06 (TYO): Nagaland Chief Secretary, Pankaj Kumar, IAS-i sangdong ka ajanga, October 13, 2017 anepdang 10:00 ako nungi Capital Convention Centre Kohima nung Government deductors atema ITS/TCS indang Tax Awareness sentong ka akatsü aser department tem atema TDS & GST Sensitisation Programme/Workshop akatsü, ta metetdaktsü.
Anepdang sentong nung Government deductors atema ITS/TCS indang Tax Awareness sentongji Commissionerate of Income Tax (TDS), NER, Guwahati-i Centralised Processing Cell (TDS), Ghaziabad den yaritepa agitsü, aser nikongdang sentong nung aser department tem atema TDS & GST Sensitisation Programme/Workshop ji Commissioner of State Taxes aser Commissioner, CGST-i agitsü.
Item sentong nung sorkar department temi inyaktsü aliba maparen- TDS aser GST dak sendakba onüktem nung agitsü.
Kasa sentong nung department tem nungi DDOs aser Cashiers/Accountants den Treasury Officers adentsü mepishia metetdaktsür, ta kasa sangdong nungsa shia lir.