October 16 nung Delhi nung NE Festival amungtsü

New Delhi, September 2 (Agencies) : October 16 nungi 18 tashi New Delhi nung North East Festival tasembuba amungtsü.
Taküm asoshi iba benjung nung tongtibangji tourism alitsü. Iba denji külemi football, kentenba, sobaliba sobutsütem, handlooms aser handicrafts nungertem alitsü aser stall 25 shi ka nung North East chiyungtsütem angutsü.
Iba benjung ajanga Arunachal Pradesh, Assam, Manipur, Meghalaya, Mizoram, Nagaland, Sikkim aser Tripura indang temetettsütem sangdongtsü nükjidong lir.
“Iba benjungmung nungsa Northeast nung amungba Sangai, Hornbill aser Rongali benjungtem ajungkettsü” ta ketdangser kati ashi.
Benjungmung tongtiba matongdang October 10 nungi 15 tashi football asayamung ka alitsü.