October 2 nü India-i CoP21 agizüktsü

Kozhikode, September 25 (Agencies): October 2 nü Mahatma Gandhi tasoba anogomung nung India-i Conference of Parties (CoP) protocol agizüktsü, ta Prime Minister Narendra Modi-i Deobarnü metetdaktsü.
Kozhikode nung BJP National Council Meeting tembangba anogo nung PM Modi-i iba osang metetdaktsü.
“COP21 protocol agizüktsü atema mapang tongogo. India-i October 2 nü Gandhi Jayanti nung ibaji inyaktsü” ta Modi-i ashi.
Yaküm Paris nung UN climate change conference COP 21 nung linük 195-i tenangzükba agia liasü. Iba tenangzükba ya 2020 nungi mapa küma tenzüktsü sentong lir aser alima tatsükba küma aoba 2 degrees Celsius agi ajema kümdaktsütsü atema pei pei linük sasep nung mapa inyaktsü.