October 24 nü India-i United Nations wako asongtsü

New Delhi, Oct. 21 (Agencies): Bodhbar nü India-i, October 24 nü UN Day anogomung nung sorkar building ajak nung India-i linük wako den külemi UN wako-a asongtsü, ta ashi.

Tanü Union Home Ministry osang ka ajanga, “October 24 nü teti India linük wako ayipshir, aser iba anogo nung building ajak nung linük wako den külemi UN wako-a ayipshitsü,” ta ashi.

1948 küm nungi tenzüka October 24 nü alima ajak nung UN Day mungyonga arur.

Ajisüaka UN wakoji Rashtrapati Bhawan, tatong Tir ki, Parliament House aser Supreme Court building nungbo masongtsü.

World War II sülen alima ajak amalitep jenjang ajungkettsü nükjidong nung 1945 küm October 24 nü UN tenteta liasü.