October 4 nungi tenzüka, MDFA 2016 asayamong asayatsü

Mokokchung, September 28 (TYO): Kümshi ayonga asayaba Mokokchung District Football Association (MDFA) Trophy 2016 taruba October ita 4 nü nungi tenzüka, Mokokchung kübok Imkongmeren Sports Complex nung asayatsü renemba osang ka tayonger, MDFA-i tanü sangdong ka ajanga metetdaktsüogo.

Tan asayamong nung telok 21-i shilem agitsü renema lir aser tanga sempet dak alaka, champion telok nem senpet sen lakh 1, tanabuba jenjang angur nem senpet sen 60,000 aser semifinal asaya nung tamakok ajurur telok anaprongla nem senpet sen 15,000 agütsütsü renema lir.

Iba dak alaka, Highest Scorer, Best Keeper, Best Defender, Most Promising Player aser Best Disiciplined Team shilem nung sempet/senpet agütsütsü renemba den tan asensa, quarterfinal asayatem nungibo asayaba taa sena agütsütsü renemogo.

Tan September ita 29 nikongdang 1:00 ako nungi tenzüka, MDFA senyur, A. Bendang Jamir’er kidang, Arkong Ward nung asayatsüren latettsü renemba osang ka kasa sangdong ajanga metetdaktsü.

Tan October ita 4-21 nü tashi asaya ajunga indang ticket ayoktsü temelaba Ungma Village Council nem agüja lir.

Ano külen, Grade III football referee tatidang agütsütsü jangrartemi pei bio-data temonoba agi October ita 5 nü tashi nung MDFA office tongtsütsü temetettsü olen ka kasa sangdong ajanga metetdaktsüogo.