October 9 nü VDB Conference alitsü

Kohima, October 04 (TYO): Rural Development department-i ayongzüka October 09, 2017 nü SIRD Auditorium, Kohima nung VDB Conference 2017 akatsü; iba senden ya Mission Antyodaya Gram Samridhi Evam Swachchata Pakhwada den külemi tenjiteper.
Iba senden nung tongti tesemdangerji Nagaland chief minister, T. R. Zeliang aser tetushi tejaokerji RD & REPA Minister, E. E. Pangteang asütsü.
Ano tetushi tejaoker, Nagaland Chief Secretary, Pankaj Kumar, IAS-i okila jembitsü. Iba sentong ya Rural Development Secretary, Kelei Zeliang, IAS leniba nung agitsü aser Rural Development Director, Metsubo Jamir-i tepela o jembitsü.