ODI Series: India-i Zimbabwe telok kokogo

ODI Series: India-i Zimbabwe telok kokogo

Zimbabwe kübok Harare nung points 3-0 agi Zimbabwe telok madak asaya 3 densemba One-Day Internationals (ODIs) Series akokba sülen India’er cricket telok pelatepba noksa ka yangi angur. (Harare, June 15)

Harare, June 15 (Agencies): India asayar, Lokesh Rahul aser tan mezüngsüa India tenüng nung One-Day Internationals (ODIs) asayasang, Fiaz Fazal nati half century yanglua kanga junga asayaba ajanga India teloki wicket 10 agi tatembangba ODI asaya koka Zimbabwe telok madak asaya 3 densemba ODI Series asaya points 3-0 agi tanü, Bodbar nü kokogo.
Zimbabwe teloki tanü mezüng batting asütsü lemtet aser par teloki overs 42.2 nung ajak agi runs 123 yanglua liasü.
Ajisüaka, Rahul-i ball 70 nung runs 63 aser Fazal-i ball 61 nung runs 55 yangluba densema, par India teloki overs 21.5 nung Zimbabwe teloki yangluba runs ajangteta tanü tasembuba asaya kokadok.
Tanü asaya nung India nunger bowler, Jasprit Bumrah-ia overs 10 nung runs 22 agüja ajak agi wicket 4 agia liasü.
Tan series asayaba jakdang Zimbabwe teloki par coach, Dav Whatmore mapa nungi anendaktsü aser iba yongji par teloki bilemba ama masayateti India telok nem wicket 8, 9 aser 10 agi asaya asemprongla nung takok ngudaktsütsüsa jenjang ajuru.
Par telok anati tan Honibar nü nungi tenzüka, Zimbabwe kübok Harare nungsa asaya 3 densemba Twenty20 (T20) series asayatsü renema lir.

You must be logged in to post a comment Login