Odisha Angh-i Nepal Tir nem tetushi agütsü

Dimapur, April 21 (TYO): April 20, 2017 nü Odisha Angh, Dr. S.C Jamir-i Raj Bhavan nung Nepal Tir, Bidhya Devi Bhandari nem tetushi agüja sentong ka ayongzüka agi.
Nepal Tir-i Raj Bhavan, Bhubaneswar tonga arudang Angh aser pa kinungtsü Mrs. Alemla Jamir nati la pelashishia agizük. Maneni, Chief Minister Naveen Patnaik-ia Nepal Tir pelaa agizüka liasü.
October 2015 nung Nepal Tir akümba sülen Bidhya Devi Bhandari-i tan mezüng atema foreign tour senzür aser lai anogo pungunü atema India semdangdang, ananü Odisha nung amungtsü.
Nepal Tir den lar jala aser züngsem 33-i akümba teshimtet telok ka arua lir. Telok nung Foreign Minister Prakash Sharan Mahat aser Peace & Re-construction Minister Sita Devi Yadav na dena lir.