Odisha Angh, S.C Jamir hospital nung mongdar

Bhubaneswar (Odisha), October 19 (Agencies): Odisha Angh, S.C. Jamir Brihostibarnü teku ashiba sülen hospital-i anir oa mongdar.
Arishi küm 86, S.C. Jamir chiyungba mapang nung timtemba ajanga Bhubaneshwar nung aliba Apollo Hospital-i anir arua mongdar, ta hospital osang ka ajanga metetdaktsü.
Apollo Cardiology specialist, Prasant Kumar Sahoo-i, Angh S.C. Jamir temang tajungba lir, saka pa temang maneni repranga tendangdar, ta metetdaktsü.
“Pa temang tajungba kümra asüngbo kidangi yoktsü,” ta doctor-isa ashi.
S.C. Jamir ya Nagaland nung Chief Minister ponguben tashi inyakogo aser 2013 küm March ita nung Odisha Angh atema tenangzükba agia liasü.
Pa Maharashtra, Gujarat aser Goa state tem nunga Angh inyakogo.