Odisha gari lendong nung nisung 6 asü, pezü yiru

Bhubaneswar, February 18 (Agencies) : Honibarnü Kalahandi district, Odisha nung truck gari ka merang pak bener meküpbanga tsükokba lendong nung nisung trok asü aser pezü yiruogo.
Iba lendong ya Kalahandi district kübok Ambapani Ghat nung atalok. Iba gari ya Bhawanipatna nungi Nabarangpur-i aodang gari anisang jagi gariji mazüokteti meküp, ta police-i ashi.
Tasürtemji iba truck gari nungji Nabarangpur district anasa aliba Maidanpur yimtaki aoertem liasü, ta police-i ashi.
Kanga mejungi yirurtemji tesem anasa aliba mozüki ka nung anir oa yaridar.
Aji oda süaka gari anisang aser pa den yaritepsang nabo gari tsükokli tesem nungi jena oatokogo.