Odisha nung Housing Scheme tenzükogo

Bhubaneswar, October 11 (Agencies): Deobar nü Odisha Chief Minister, Naveen Patnaik-i “ABAAS” tenzüktsüogo, iba scheme ajanga jila aser yimti nung alir makamaiter ajak nem sen dalang yong ki agütsütsü.
Iba scheme tenzüktsüba sülen Patnaik-i, “ABAAS – Odisha Urban Housing Mission & Policy for Housing for All in Urban Areas ya ajanga ‘slum’ nung alir sensakertem nem sen dalang yong ki agütsütsü, iba den külemi item kidang luli ajanga tzü supply aser light agütsütsü, iba dak alia slum tesem nung gari lenmang tajung, kilentzü aodak aser community centre yanglutsütsü,” ta ashi.
“Mapang tatakzük yur jila/yimti tesem nung housing project aika inyaktsü atema sorkari Mission Directorate ka tentettsü,” ta paisa ashi.
“Iba mapatong ya mission mode nung inyakra, mapang tatakzük nung jila tesemtem nung ki yangluba nung sentsüh adokba atema tebilemtsü koktettsü,” ta chief minister-isa ashi.
Tanü Buddha Park nung chief minister-i Nakhara, Pandara, Ghatikia aser Chandrasekharpur tesemtem nung aliba slum nung alirtem aser makamaitertem atema housing project asoshi lung azüngja liasü.