Odisha nung Maoist 94 temai adok

Malkangiri (Odisha) November 09 (Agencies): Bodhbarnü Odisha, Malkangiri district nung Maoist pusemer 94 aser militia züngsem 52 temai adoka Malkangiri police tsüngdangi ogo.
October 24 nü iba district nung Odisha aser Andhra Police senteper telungpurtem mita aodang Maoist 28 tepsetba sülen tanü par telok nungi aika temai adokba ya Maoists atema takoksa tulu lir.
Temai adokertemji Sudhakonda aser Radulkonda yim nungi liasü aser parnok rongnung tetsür pongu aser village commitee züngsem teku densema lir, aser parnoki temai adoka Malkangiri SP, Mitrabhanu Mohapatra matsüngdangi aru, ta police osang ka ajanga metetdaktsü.
Parnoki joko Maoist maparen meinyaktsü aser tesem terenlok atema dang inyaktsü ta nangzükogo, ta kasa osang ajanga ashi.
Parnoki state sorkari lemteta aliba kübok tajangzük balala angutsü, ta kasa osang ajanga shisem.