Odisha nung pharmacy 58 blacklist-i igo

Bhubaneswar, April 29 (Agencies) : 2005 küm nungi teyari junga magütsüba mozü bena ayokba dak sentakba nung Odisha sorkari state nung aliba pharmacy 58 tashi blacklist-i yokogo, ta Hokolbarnü Health Minister Atanu Sabyasachi Nayak-i state assembly nung metetdaktsü.
BJP MLA Dilip Ray-i tezüluba nung tasüngdangba ka agütsüba langzüba mapang, Nayak-i, “Sorkari acha ayanga reprangba mozüktem nung pharmacy 168-i mozü tapu 133 supply asür aser item pharmacy rongnungi kari teyari magütsüba mozü agütsür,” ta langzü.
Sorkar mozü kitem nung agitsü atema mozü aliba mapang mezüng laboratory nung kanga junga tendangerang alir, ta osang ka ajanga metetdaktsü.