Odisha police-i tanur 122 kümzük

Bhubaneswar, January 16 (Agencies): January 1, 2016 nü tenzükba Operation Smile-II programme kübok Odisha Police-i samar aliba tanur 122 tashi kümzükogo, aser parnok rongnung Jammu & Kashmir nungia tanur ka densema lir.
State nung iba operation ya Odisha Police aser Women & Child Development Department na senteper tenzüka liasü.
Mezüngbuba hopta ana nung state nung tanur 122 kümzüka, parnok kar tsüraburtem nem aser kar Child Care Institutions dangi yokogo, ta parnoki ashi.
Additional Director General (ADG) Crime, B K Sharma-i, iba operation ya January 31 tashi akatsü, ajisüaka January 15 nungi January 31 tashibo state adener tanga state tem nung rangloker inyaktsü, ta ashi.
Paisa, W&CD Department nung inyakertem densema police team 10 lemsar samaba tanurtem bushitsü atema Punjab, Haryana, Delhi, Bihar, Jharkhand, Chhattisgarh, West Bengal, Karnataka aser Tamil Nadu state temi yokogo, ta metetdaktsü.