Odisha sorkari September ita nungi 7th Pay Commission tetuyubatem inyaktsü

Bhubaneswar, August 30 (Agencies): Bodhbarnü Odisha sorkari, state nung Seventh Pay Commission-i tuyubatem inyaktsü, ta metetdaktsü.
Chief Minister, Naveen Patnaik-i, state sorkar mapa inyakertem September ita nungi tenzüka itasen tutsütsü, ta metetdaktsü.
“7th Central Pay Commission report reprangshitsü atema committee ka tenteta liasü, aser parnoki tuyubatemji ozü sorkari inyaktsü,” ta Chief Minister-i ashi.
Iba ya ajanga state sorkar mapa inyaker nisung lakh 4.5 dak tema aser pensioner lakh 3.5 shi tajangzük angutsü.
Arrear payments atemaa inyakdar, ta Chief Minister-isa ashi.
Seventh Pay Commission-i tuyubatem mapa küma inyakba ajanga küm shia state senpong nungi sen crore 4,500 shi indoktsü.
State kar nung aser Centre nungbo 2016 küm January 1 nungi tenzüka Seventh Pay Commission-i tuyuba ama inyakba sülen nungi Odisha nung Employees union balalai joko mapang talangka Seventh Pay Commission atema takhangba agüja arua liasü.