Odisha tesem balala nung tsüngi ajanga nisung 17 aiset

Bhubaneswar, June 02 (Agencies): Bodhbarnü Odisha tesem balala nung tsüngperet ajanga nisung 17 tashi aiset aser nisung 9 yiruogo.

Tsüngperet sülen tzünglu sashia aruba ajanga kiset shirurua 21 asü.

State nung south aser tzüyimkümlen tsüngperet ajanga nisung jenti asür.

Asürtemji Kendrapada, Bhadrak, Ganjam, Khurda aser Mayurbhanj district tem nungi liasü. Tanü asüba densemabo tan ita ka tsüngda tsüngperet ajanga nisung 25 süogo.

May 1 nüa state tesem balala nung tsüngperet ajanga nisung 8 asü.

Special relief commissioner office ajanga ashiba agi, taküm küm tenzüker state nung tang tashi nung tsüngperet ajanga nisung 85 tashi süogo.