Odlozil Meet: Luka-i silver agizük

Prague, June 07 (Agencies): Brazil nung asayatsü ayongba 2016 Rio Olympics nung shilem agitsü jenjang ngua alila, Tintu Luka-i Czech Republic nung ayongba Josef Odlozil Memorial Athletics Meet nung 2 buba jenjang ngua silver medal tanü, Mongolbar nü agizükogo.
Asian Champion, Luka-i minute 2 ser second 00.61 nung 800m alizüng tonga silver medal-ji agizük.
Kasa tetoktepba nung 2013 World Youth Championship gold agizüker, Iceland tsür, Anita Hinrinsdottir-i minute 2 ser second 00.54 nung alizüng mezüng tonga gold agizüka liasü.
Taoba world champion aser London Olympics silver medallist, South Africa tsür, Caster Semenya-i aniba tetsür toktepa asemer tarensen nung arishi küm 27 tain Luka 30 buba nung lir.
Kerala tsür, Luka-i yaküm Beijing nung agiba World Championships nung takok ngua, India tenüng nung Rio Olympics nung shilem agitsü temeten angu.
Britain kübok London nung taoba May ita 29 nü agiba British Milers Club Grand Prix 2016 tetoktepba nunga Luka-i minute 2 ser second 02.79 nung alizüng tonga 4 buba jenjang ngua liasü.