Offer balala dener Mumbai nung Idea 4G sayaogo

Mumbai, May 26 (Agencies): 2100 MHz spectrum brand nung tanü Idea Cellular indang 4G service Mumbai nung sayaogo. Company ajanga ashiba agi Mumbai nung iba network amshir züngsem million 4.4 lir aser shishilembaba nung shilem 10.2 iba tesem nungi jungdaktsür.
Iba network amenlokba mapang Mumbai nung telecom site 3,500 nungi 1,600 bo 4G service-i upgrade sütsüogo aser anu site 1,000 kobi melie upgrade sütsütsü.
Mobile subscriber temi Mumbai nung tanü nungi tenzüka Idea 4G service indang tekera ya 34 Mbps angutsü. Iba service tenzükba nüngtem nung ‘Invitation offer’ anogo 90 atema iba network amshir million 4.4 alir nem agütsütsü aser kasa mapang züngsem tasen akümertem nema 4G SIM alir ajak nem iba maongka agütsütsü.
‘Invitation Offer’ ya Mumbai nung tang tamshidak alir Prepaid aser Postpaid costumer million 4.4 aser iba offer mapang züngsem tasen akümer nem 4G indang data GB 10 angadi amshitsü agütsütsü. Iba maongka ya 2017, May 25 nungi August 22 tashi alitsü aser Idea indang 4G network nung 4G SIM aser 4G handset asütsüla.
Tang amshia aliba customer tem 4G SIM melener nem anogo 14 asoshi 4G data GB 4 agütsütsü.
Invitation offer dak alaka iba anogo 90 tsüngta 4G handset alirtemi züngsem kümra sen 395 agi recharge asüba ajanga anogo 84 atema tanen maka local aser national nung jembitettsü, anogoshia 1GB data 4G/2G atema agütsütsü.
Customer tem jenjang tajemba nung amshinürtemi sen 192 jenjang Unlimited Combo Offer agitettsü akok. Iba maongka ajanga Mumbai aser Maharashtra tesemtem nung alirtem asoshi anogo 28 atema 4G/2G data 1GB agütsütsü.
Sen 148 agi recharge asüba ajanga Idea prepaid amshirtem India ajunga nung Idea nungi Idea den jembitsü asoshi maongka agütsütsü aser 300 MB Data agütsütsü.
Sen 348 agi recharge asüba ajanga India nung network ajak den anogo 28 angadi jembitettsü aser 4G handset amshir nem anogo shia 1GB 4G/2G agütsütsü.
Anu maneni Idea ajanga Mumbai nung ‘Magic Recharge’ agütsür. Iba ‘Magic Recharge’ ya sen jenjang 63 lir aser prepaid amshirtem asoshi anogo ana nungi 28 tashi amshitsü atema 1GB 4G/2G agütsür.
‘Magic Data’ ya sen jenjang 152 lir aser iba maongka nung anogo 28 atema GB 1 nungi GB 10 tashi agütsür (4G/2G).
Postpaid amshirtem atema maongka yamai alitsü. 4G invitation offer aser 4G SIM upgrade asüba sentong ya postpaid costumer temia amshitettsü. Iba den külemi postpaid atema ‘Unlimited Plan’ rental sen 349/499/649 jenjang nung angadi tanen maka jembitettsü, anogoshia 4G/2G GB1 aser sen 649 indang plan nung ‘outgoing roaming’ angadi asütsü. Iba den külemi sen 499 aser 649 plan nung SMS angadi angutsü.
Iba sentong tasen sayaba tenüng nung postpaid costumer tasen nem ita trok asoshi sen 50 agi tajemba nung ‘Unlimited Plan’ ya agütsütsü.
Taküm sa Idea ajanga 2G, 3G aser 4G service ya tesem 300,000 nung amenloktsü sentong lir.