Dimapur, Metsüremi (March) 13 (TYO): Metsüremi (March) ita atema Dimapur District Planning and Development Board senden tanü DC indang Conference Hall nung amen.
Senden nung Dimapur DC & DPDB, Dimapur Vice Chairman, Sushil Kumar Patel, IAS-i tesentepertem ajak pela agizük aser Election 2018 nung shilem tajung agiba atema HoDs aser district administrative officers dang pelaba metetdaktsü.
Paisa HoDs dang anepdang 9:30 ako nungi nikongdang 4:30 ako tashi office tem lapoktsü aser parnoki aini aotsüsa kümra pa nem osang sangoktsütsü tetuyuba agütsü.
Senden nung Livingstone Foundation Higher Secondary School nung secular college ka lapoktsü indang aser PHINJEM registration asütsü onüktem sorkar dangi abentsü lemtet.
Senden nung Toka Multipurpose Co-operative Society Ltd. Dimapur nung teshimtet nisung kati CSR projects inyakba osang lemsatep. Parnoki Mini Science Centres aser Dimapur nung sanitary vending machines yanglutsü indang osang metetdaktsü.
Bangdakpurtemi kimung aser electricity agütsüra Society-i tanga mapa ajakji inyaktsü ta paisa ashi.
Iba onük atema DC-i DEO dang mini science centres lapoktsü atema class rooms tem reprangshimtsü atema tetuyuba agütsü.
You must be logged in to post a comment Login