Officers Club of Mokokchung-i district jail semdang

Dimapur, August 16 (TYO) : 70 buba Independence Day nüngtem nung Officers Club of Mokokchung (OCM)-i Mokokchung district jail nung alirtem semdang aser idakji alirtem den sensaksemba den külemi sempettem agütsü.
OCM-isa district jail nem water filter aser sports goods agütsü aser tepuokdak alirtem dang taküm melenshitsü aser loktiliba atema tagitsü nisung ka ka akümtsü tayongzükba agütsü.
Sentong nung mendenji Secretary, Er. Temsu Wati Ao liasü, district jail Chaplain Moa-i temoatsü meshia sarasadem, OCM züngsemtem Dr. D.K Chetri aser Er. T. Imlisunep Ao nati tajungshi o jembi.
Sentong nungsa DRDA Project Director, Liboni Humtsoe-i sempettem lema agütsü.