Oh, Polythene Ni Na Menungrar

~ I. Zulu Pongen- Mongsenbai Ward.

Oh, Polythene bag, na kong lir! Ni na menungrar kü kinungtsü ama Na malibo ni timtemseter, AIATAI! Na samatsütsü ya shiba tasa maochiba tenashi ozüng ka Delhi nungi sorkar tematiba tashi ajanga.
Tamasaba ni na ya memitetei liasü. Saka tanü tashi temetet lima ka nung scientific technology ajanga karkana tulutiba lapoker shingaia ne den tokteptsü mekoki nasa tamaren, aser tulutiba ta tushia alima akok iba tepongba Oset (yangku) saka tashi tait, züba-züba-a oset tulu aika oshia kidangi bener pelaseta shilang, nisung tulu tila ajak tiptema, kidang nungi teka tazüng ayazük saka ayong ayonga Oset teperi bener shilanger.
Tejashitsüka osang tamajung ka arur anogoshia Paper ajak nung talaktsüka Polythene yagi alima menentsür ta, ya Hindu nunger temeshi ayong- Yamuna aser Ganga ayong nungi adok, ya meruktettsüla ya merüktettsüla ta yagi asen lima tonga aru.
Oh, Polythene nai kechi majung inyak, Naibo alima nüburtemi aginüba-ang tashi angaa inyak, ochishia tashi angaa ni yabo makoktsü ta mashi, Aser shinga anemaa menemnem. Temulung lemtet kilir tajung ka kibur sülen mokorai anidak. Saka alima na semba Yisu ama, Atala-a alima menenkhu tulu bener alima ajak nai menentsür ama kümdakja ya mashi malur sensamasar tamashi nisung aliyong na mesenmetua amshiba ajanga lir. Saka na malibaji onok takoksaba lir.
Oh, tanübo na alijak nung samaa meli-i kümdaktsüogo ni! Alimi nabo takok ngua tepsetogo Yisu asü ama, saka karkana nungi adokba company chiyungtsü alepbabo anosa lirko, alima lijak repranga ochi meshi-i obendang tai agütsü amai tangabo toktsü, nabo tepset.
Alimabosa menena lirji. Amtsük chir talepba “Mica” obendangertem nenokia kechi ashir? Yimti yimdong ajak aser kilentsü “Nallah” sünga sentsüpranga kodanga raksaa moaba taleptsü indoka lirji, kechiba Polythene-ang samatsü?
Ni office nungi shilangdang, Ni oset ana maliteter, ka alira aji agi kü teka asünger Ni bilemteter, Polythene-to ali asübo koda jungla ta, Tonga nung oset ka dang benteter kü teka nung masemer, tonga nung oset ka inoker ni Town ajak ajangtsü ya koda?
Oh, Polythene ni ayatai na malibo!