OHCC-i tenüngsang agütsüba den Khristmas jeli sentong agi

Dimapur, December 13 (TYO) : Deobarnü Hotel 2K Kohima nung Officers’ Hill Colony Panchayat (OHCP)-i tenüngsang agütsüba den Khristmas jeli sentong ayongzüka agiogo.
Iba sentong nung o jembirji NCRC Kohima Sannüker, Toshi Imchen liasü aser pai Isaia 42:7 nung ajemdaker onük jembi.
Toshi Imchen-i Colony nung lennirtemi temoatsü angutsü atema tangar den Khristmas indang tepela lemsateptsü tayongzükba agütsü.
Paisa, sentong nung adenertem dang Yisu Khrista indang temeim prokshitsü aser iba Khristmas ya tetezü aketba benjung ka südaktsütsü atema ayongzük.
Sentong nung mendenji OHCP senyur Vikheto liasü, Advisor Nezochono OHWU-i temoatsü meshia sarasadem, OHYO president Atevizo-i Lai azüng aser OHCCP Chairman Khrielakuo-i salem osang aben.
Sentong nungsa Neise Chale-i ken ka aten aser OHCP general secretary Ruokuolhouvuo-i anküp tepela o jembi.