OHYO-i September 23 nü atalokba aitsür

Dimapur, September 26 (TYO) : Box-cutting road nung lanur taküm ka samatsüsa lendong atalokba kukua aitsür, ta Officers’ Hill Youth Organisation (OHYO)-i sangdong ka nung metetdaktsü.
Ozüng amertemi iba tatalokba jungjunga bushisüngdangtsüla aser tekaratiba nung ochi obendang agütsütsü akhanger, ta OHYO tir Metevizo Sophie aser tongti tezülur Noseho Koso nati külem sangdong ka nung shia lir.
Indoor Stadium, Raj Bhavan kübok Over bridge, IInd World War tank area, Lady Mills Road adjoining Officers hill aser TCP gate tesemtem nung tashishitsü aketba maparen inyaker. Anungji OHYO-i lemtetba ama aonung 8:00 ako sülen ajungbena mita aotsü aser iba mapang aibelenertem dang tasüngdangba alitsü aser parnok indang tenüng, noksa aser talidak ajunga osangkakettem nung sangdongtsü, ta OHYO-i sangdong nung metetdaktsü.
Temalen shia aliba tesemtem nung civilian purtem lendong nungi jenbua alitsü atema police mapa lemzükjanga ta ketdangsertem dang mepir, ta OHYO-isa shisema lir.