Oil India Ltd-i Assam tsür Hima Das nem sen lakh 20 senpet agutsü

Guwahati, Luroi/August 04 (Agencies): World Junior Athletics Championships 2018 nung India nunger rongnung Gold medal mezüng agizüker, Hima Das nem Oil India Ltd.-i senpet sen lakh 20 agutsüogo.
Yangi Guwahati nung osangbenertem den jembidang Public sector oil major’s CMD, Utpal Bora-i, Assam nungi asemteper champion, Hima Das-i tarutsü nung Olympics densema tournament balala atema renemeshitsü asoshi la nem senotsü teyari agutsür, ta metetdaktsü.
Taoba ita Finland nung IAAF World Under-20 Athletics Championships nung Das-i tetsür metre 400 asemtepba final nung Gold medal ngua liasü.
Bora-i ashiba agi, Assam nung saisapongeratem nem ita shia scholarship sen 17,000 agutsüdar, aser scholarship angur rongnung 2018 Under-19 Cricket World Cup squad züngsem, Riyan Parag aser table tennis asayar, Trisha Gogoi nata densema lir.