Okadaki NPF ken o ita ka atema thinener

Kohima, August 22 (TYO): Gauhati High Court nung Kohima Bench-i NPF mepetmesü onük angadangtsü anogo thinenogo.

Okadaki iba ken o September 21, 2017 nü angadangtsü atema thinen aser parnoki tan agi tanabenbuba anogo thinenogo.

July 21 nü Nagaland Legislative Assembly emergent session nung Speaker Imtiwapang Aier-i TR Zeliang NPF Party indang whip agizükba anema taoba Chief Minister aser MLA Dr Shurhozelie Liezietsu den NPF MLA 10-i okadak iba ken o benok.

Dr Shurhozelie-i anir tangartemi July 24, 2017 nü iba petition agütsü.

NPF Party indang whip tashi mangai Assembly nung TR Zeliang pusema vote agütsür NPF MLA 36 disqualify asütsü atema Dr Shurhozelie-ia petition nung shia lir.

Tanü okadak ken o benoka angadang TR Zeliang atema okatsürtem nem counter affidavit ka agütsütsü atema mapang agütsü aser joko anogo memelenshi ta okadakisa ashi.