Okadaki NSCN-K pur jaoker

Dimapur, Jan.04 (TYO) : India sorkari National Socialist Council of Nagaland (Khaplang) telok ya ozüngi memelaba telok lir ta September 28, 2015 nü sangdongba sülen parnokji shitakba ” Unlawful Association ” asütsü asü masü ta asüba ken o benoka jembir telemtetba agitsü atema center sorkari shimba Unlawful Activities Tribunal nung Registrar ajanga NSCN-K telok okadaki ajaba osang ka agütsüogo.
Anungji, iba osang sangdonger anogo 30 tsüngda kechiba NSCN-K telok ya ozüng anema inyaker telok masütsüla ta asüba telangzüba agütsütsü lira, parnok office Delhi High Court, Room No. 107 nung agüjang ta kasa sangdong ajangasa metetdaktsü.
Iba denji ano, nenoki nisung ka shimtetter January 14, 2016 nikongdang 3:00 ako nung Court No.19,’A’ Block, Delhi High Court, Sher Shah Road, New Delhi, 110 503 tonga aruagi Tribunal ajurutsü akok ta NSCN-K telok dang metetdaktsüogo.

You must be logged in to post a comment Login