Okadaki TR Zeliang anema benokba ken o angadang

Kohima, January 20 (TYO): Nagaland Chief Minister T R Zeliang tazüngba onük dak sendakba nung Maziezokho Nisa-i ken o ka benokba Bodbarnü okadaki agizüka angadangogo.
Gauhati High Court nung Kohima Bench-i telok anatsülen nungi tebilembatem angadangogo saka iba ken o atema oshidang kecha magütsüi tembang.
Ghonda pezü shi ken o benoka olemtepba nung Meziezokho Nisa aser District Congress Committee, Peren President den T R Zeliang nungeri shilem agi.
Iba ken o benokertem tenüng nung taoba Advocate General of Nagaland, K N Balgopal liasü aser TR Zeliang tenüng nung Advocate Akito Zhimomi liasü, ta osang angazüker.