Ola app ajanga OnePlus smartphone alitettsü

Bengaluru, December 5 (Agencies): Taxi service agütsür, Ola app-i December 8 nü nungi tenzüka OnePlus X smartphones tem ayokba nung yaritsü, ta company sangdong ka ajanga Honibarnü metetdaktsüogo.
“Smartphone online ajanga mangar minute 15 tsüngda nung ki arua tongtsübaji tan mezüng asütsü,” ta sangdong ajangasa ashi.
“Linük nung aliba yimti tenet, Ahmedabad, Bengaluru, Delhi, Hyderabad, Kolkata, Mumbai aser National Capital Region (NCR) nung phone alirtem aser onok app amshirtem ajangzükdaktsütsü asoshi onok lokteper inyakerba lir, ta Ola marketing nung tatong tir Sudarshan Gangrade-i ashi.
Kasa sangdong ajanga ashiba agi, Ola app ajanga phone manganertemi anepdang 10:00 ako nung nikongdang 7:00 ako tashi nung mangatsüla.
“Phone mangaba osang onok tonglii Ola cab ka nung OnePlus nung inyaker ka dena phone bener temangar ki atongtsü,” ta Gangrade-i ashi.
OnePlus India marketing nung tekolakba Karan Sarin-i ashiba agi, iba phone aliba yimya ajanga phone alir ket mela mela oa atongtsü.