Olemsabang/Chubangsang asaya menüba ya kanga tongtipang

– Er. C. Kazükaba Jamir.

Asenok meimchirtemi aiben O jembidang jembipeter aser mapa inyakdanga aiben inyakpeter. Item O jembipetba aser mapa inyakpetba ajanga asaya menütepba otsü akümer. Asaya menütepba otsü ya asenok asoshi kanga tongtipang, kechiyong asaya menütepba kezüba ajanga:
* Jashia aliba süngzüker
* Jangratema pelateper
* Temolung sadok sadoka akümer
* Aser mapang endoktsü kanga tajung
Asaya menüba ya anema alitsü mozü tajungtiba lir. Asaya-a menüteptsü aketba otsü tajung aika lir. Item rongnung kar yamai lir:
1. Tambur ka anünüa alidang kati asüngdang “Temba nabo yamajisa anünür no?” Pai langzü “Aito nibo yamajisa anünür’a” süra na-a anünüdang komasa anünür?”.
2. Atongtsü ana ajurutep, kati asüngdang “Ner’a tanur kwika lir?” Lai langzü nibo tanur 13 (Ter Asem) lir. Atongtsüi ashi ” Aya ya ya ajibo Ak chanu amai mepua na?”.
Iba ama menüshishitsü aketba otsü ishika bendener kaket ka adoka lir. Iba kaket tenüng “ASAYA MENÜBA OTSÜ” kaket lir. Iba kaket nung otsü tatsütsü (Otsünu) 37 aser otsü talanglang (Otsüdi) 8 ajak agi otsü 45 keta lir. Na-a khenbo tango sadoka pelanüra kaketji züngdangangma.
Iba kaket ya Missionary R.Temjen.Imsong ajanga anogo 19/01/2019 nung meshitettsüogo. Kaket jenjang Rs.150/-
KAKET AYOKDAK:
1. Eastern Book depot, MTBA Complex Mokokchung.
2. Students Book Centre MTBA Complex, Main Police Point Mokokchung.
3. Academic Book Centre, Old NST Station, Kohima.
4. Christian Literature Centre, Nyamo Lotha Road, Dimapur.
5. Christian Literature Ministry worker, I.Kümzük Jamir.(M-8974336643)
6. T.Sunep.Jamir Stationery Shop, Near Sumi Baptist Church, Diphupar,
(M-9862080208).

Osang kaket ya Hon dang nungi taoba !

-N. Nuken Longkumer, Naga United, Dimapur

Osang kaket zülurtemi Missionary ka ka lir! Alima nung nüngtugu Napoleon-a osang kaket dang tsübua liasü ta ashir. Anungji jtangari züluba, ashiba, sayuba, artsüba, mezüngmeshitesüma. Otsü agi kechi ashir angatetsü merangang. Tanü alima nung alir meimchirteminoisung taküm ka alitsü asoshi – Medal tajung anguba ama, mesüra awakrd ama aser kuli kakettem tajung anguba agi dangbo teperi masütsü ta angatet nungbo koda jungla!! Nisung ka tepang agi dang masü saka mapa agi sayua yaritsü kanga tongtipang lir ta Bollywood actor Akhsay Kumari ashi ama inyaktet nungbo koda jangratemtsü. Tanü 21st mapang alima melenshia aoba memeteti aliba tulur aser takar aika lir. Sensakertem zünger mezüngma kümogo. Shibai yaritsü, shirnoki reprangtsü yaritsü lenmang aika lir. Tetezü – Asen Naga nungerbo nütsüng aikabo masü. Kasa Naga nunger dang süaka onok aliba ki, onok aliba tia nenoki angunungbo temulung raksatsü! Saka aikati atalatsü. Parnok ya azü mesener, mapa meranga inyakba agi RCC tulutem yanglutetogo. Ozü kibong ama Naga nunger aika lir saka nenoki züpa züpa dang yutsüba ajangayamai Khristan limamajung aküm. Ochi masüba mapatem joko anentsüla, Khristan state nungbo ochi mashi mapa aika lir sürnung mejembir kecha mashir, ya ozü kibong nung achitsü atema jembir masü, rongsen kar aginüa jembir masü!! Osang kaket ola angashir melenshira tarutsü putu aser asen chirnurtem temoatsü nung liyonga aotsüba nükla indang shiner. Ner lima amang tia angudang süngmangtsü tim lir. Aortem ya Tsüngremi meima shimtetba Israel kin ama lir ochi arishia odi.
Tir Yimyim nung Hon ama otzü aika angutsümalima nung jenjang tasaktibaji otsü lir. Sentong lira nai oset ajak alitet. Ajakji Tir Yimyim ya bushia oa züngang. Na kidang mena yur senti rongsen dang nungi tajungba sobaliba otsü aser alima osangtem angutsü.