Olympic Wrestling Medallist, Modzmanashvili-i ozüng alema mozü achiba putet

Moscow, March 09 (Agencies): Olympic wrestling silver medallist, Georgia nunger Davit Modzmanashvili-i ozüng alema tali tashi itshitsü mozü achiba putetba osang jangjaogo.
Modzmanashvili-ia Russia’er tetsür tennis asayar mongin, Maria Sharapova-i achiba meldonium mozü chia aibelenba osang bushitetogo.
“Modzmanashvili-i asayartemi machitsü asoshi nokdangba meldonium mozü achiba osang taoba February ita putet. Pai tan agi ozüng alema mozü mora achiba aibelenbaren tanabenbuba puteter lir aser iba yongji pa nem taküm tepiyong saisapongtsü sabang nung shilem magidaktsütsü temerenshi agütsütsü akok,” ta Georgia national wrestling team coach, Vakhtang Blagidze-i metetdaktsü.
Modzmanashvili den külemi, külem Georgia asayar 5 tashi ozüng alema meldonium mozü achiba puteta lir saka parnoki aibelenba menangzükba yong alima dang parnok tenüng mesangoktsüi lir.
Modzmanashvili-i 2012 Olympics nung tebur temang touzük seret 120 taret Greco-Roman wrestling tetoktepba nung silver agizükba den külemi, 2011 küma world championship bronze medal agizüka liasü.